Bodej kożdy zno Oktoberfest, pra? Fajer, kaj piwo sie leje hektolitrami, a wuszty i golōna jy sie bez cołki dziyń. Czos, w kerym Bajeroczki ôblykajōm dirndle i locōm z cyckami na wiyrchu, a Bajeroki łażōm w szumnych skôrzannych galotkach z hōuzyntregami. Dwa tydnie uciechy w Mōnachium. W mieście, w kerym tera miyszkōmy.
Trefiło sie nōm, że moglimy pozaglōndać jako to naprowda wyglōndo we ôstatni dziyń tego fajerowanio we 2016 roku. I wiycie co? Przōdzij niy wiedzielimy, że okrōm chmielowej ambrozyji je tamek tela atrakcyji. Tōż dzisioj mōmy dlo Wos galeryjo, cobyście tyż mogli wejrzeć na rychtyczny Oktoberfest. Niy yno na zajdle z biyrym, ale na wszyjskie fizymatynta naôkoło. Chowcie sie! 🙂