Sintra: farebno, bogato, kiczowato

przez bele kaj
Sintra, Portugalia, bele kaj, blog po śląsku

30km od Lizbōny – pōł godziny autym abo trzi ćwierci cugiym za niycałe 2€ – tela nōm trza było, coby sie dostać do Sintry, miasta farebnego, żywego, do kerego radzi lecōm ludzie z cołego świata. Jak tu sie niy wybrać?

Dwie rajzy na jedyn dziyń – roz, coby “zoboczyć miasto”, wlyź na Zamek Maurōw i posiedzieć co w strzedniowiycznej wsi, kero postawili gynał skuli Dni Sintry. Drugi byzuch skuli bojkowego ze dworu i kiczowatego ze środka Pałacu Pena (;

Sintra, Portugalia, bele kaj, blog po śląsku Sintra, Portugalia, bele kaj, blog po śląsku

Miasto je rychtyk przijymne – spokojne, ale niy nudne, z bogatōm historyjōm, ale niy zaniydbane. No i fest drogie jak na portugalskie warunki. Tōż radzymy wziōnć se jakie sznity – tym bardzij, że znolyź supermarket to tam ni ma leko.

Sintra, Portugalia, bele kaj, blog po śląsku Sintra, Portugalia, bele kaj, blog po śląsku

Co ôboczyć? Pałac Narodowy (Palácio Nacional de Sintra), Zōmek Maurōw (Castelo dos Mouros) i Pałac Pena (Palácio Nacional da Pena) to naszym zdaniym takie sztele must-see. Ale! Ale zastanōwcie sie nojprzōd wiela mocie czasu i co Wos rychtyk interesuje. Chyba, że mocie pora dni wolnego i pijōndze niy sōm istotne – w tyn czos atakujcie wszyjsko jak leci (;

Sintra, Portugalia, bele kaj, blog po śląsku Sintra, Portugalia, bele kaj, blog po śląsku

My musieli trocha prziszporować, tōż zrezygnowalimy z ajntrytu do Pałacu Narodowego10€ od łepy. Z dworu tyż je gryfny – jedno czy sie patrzy z wiyrchu, czy jak sie stoi gynał przi głōwnych dźwiyrzach. Godo sie ô nim, że je nojlepij uchowanym strzedniowiycznym pałacym krōlewskim w Portugalii.

Sintra, Portugalia, bele kaj, blog po śląsku

Tak w ogōle, to mielimy zaczōnć ôd miana Parques de Sintra – to je kōlturowy landszaft Sintry, wciepany na Lista Światowej Erbowizny UNESCO. Tōż pośrednio (abo bezpośrednio, jak w przipadku Pena) kożde z miyjsc z tego posta do listy UNESCO przinoleży.

Sintra, Portugalia, bele kaj, blog po śląskuSintra, Portugalia, bele kaj, blog po śląsku

Zōmek Maurōw to w sezōnie koszt 8€. Czy to je we wercie? Myślymy, że wszyjskie “sintrowe” cyny sōm trocha za wiele, bai jak sie je przirōwno do europejskich wielich miast, ale sōm my w stanie zrozumieć jak działo ekonomia na tym poziōmie, tōż ôdpowiydź na pytanie to: ja, je we wercie 🙂

Masa łażynia pod gōrka, potym dugi szpacyr po murach i przileżytość do zrobiynia bildu tak co dwa metry. Problymym umi być kōmbinacja wōnskich przechōdōw z wielōm liczbōm turystōw, ale i z tym se idzie poradzić. Trza yno mieć fol zmiyru.

Sintra, Portugalia, bele kaj, blog po śląsku Sintra, Portugalia, bele kaj, blog po śląsku Sintra, Portugalia, bele kaj, blog po śląsku

Palácio Nacional da Pena wyglōndo jak z Legolandu. To znaczy tak nōm sie zdowo, bo w świecie Lego jeszcze my niy byli. Ni ma tak elegancki jak krakowski Wawel abo twierdze bawarskie, ale mo “te coś”. Dlo nos “tym czymś” było prawdopodobnie to, że… Pałac Pena je gwiazdōm instagrama i tam my sie z nim poznali przed rajzōm (;

Sintra, Portugalia, bele kaj, blog po śląsku Sintra, Portugalia, bele kaj, blog po śląskuSintra, Portugalia, bele kaj, blog po śląsku Sintra, Portugalia, bele kaj, blog po śląsku

Bilet? Trzi ôpcje: park dookoła Pałacu za 7.5€ (niy kalo sie), park i Pałac za 13€ (to my wziyni) abo park i tzw. taras – zwiydzanie wszyjskigo okrōm izbōw w środku – za 10.5€. I ta trzecio ôpcja je nojlepszo – pora ojro zostowo w kapsie, a tracymy yno zaglōndanie na cyntrum plastiku, kiczu i miksu gaśnic ze starymi toaletkami. Żeby niy było, że przesadzōmy – wejrzijcie sami!

Sintra, Portugalia, bele kaj, blog po śląsku

Na co my niy wejrzeli? Monserrate i Quinta da Regaleira. Czamu? Niy wiymy. Czy je nōm żol? Kuknijcie na ôbrozki w Google i zgodujcie… 🙁

Ale zamias tego trefilimy (bez cufal) na Dni Sintry. Taki festyn z szauszpilerami i całōm stylizacjōm a’la głymbokie strzedniowiycze. I pycha Pão com Chouriço – żymła z wusztym i kyjzōm na gorko, gynał z wielij kamiynnej bratruły. Mniam!

Sintra, Portugalia, bele kaj, blog po śląsku Sintra, Portugalia, bele kaj, blog po śląsku Sintra, Portugalia, bele kaj, blog po śląsku

PS. Biercie mapki na banie w Sintrze! Raczyj niy bydzie już tych po angielsku, ale i hiszpańskie, i nimieckie sie sprzidowajōm. Sprawdzōne.

Inne interesujące teksty:

Ta strona używa ciasteczek oraz zewnętrznych skryptów dla lepszego dostosowania treści do użytkownika. W Polityce Prywatności znajdziesz informacje o tym, jakie ciasteczka i skrypty są używane, oraz jaki wpływ mają na twoją wizytę na stronie. W każdej chwili możesz zmienić swoje ustawienia. Nie wpłynie to na twoją wizytę na stronie. OK Polityka Prywatności

Instagram
Facebook