Almada – portugalskie Rio abo bardzij San Francisco?

przez bele kaj
Almada, Portugalia, bele kaj, blog po śląsku

Kaj idze ôroz zaliczyć dwie nojwiynksze atrakcje Rio de Janeiro i San Francisco? Yno w Almadzie – mieście na drugij zajcie Tagu, jak sie wejrzi ôd Lizbōny.

Almada, Portugalia, bele kaj, blog po śląsku

Almada – miasto podrōbek?

Przijyżdżocie do stolicy Portugalii i idziecie se cyknyć zdjyncie przi rzyce. Po drōdze siedym razy chcōm Wōm sprzedać dragi i jedynoście razy bryle. Dołazicie do kraju, tōnkocie szłapa we wodzie, dźwigocie łep, a tam – brazylijski Cristo Redentor i amerykōński Golden Gate Bridge.

Almada, Portugalia, bele kaj, blog po śląskuAlmada, Portugalia, bele kaj, blog po śląsku

Gibcyj abo niyskorzyj musicie sie wybrać za rzyka. Jak już wiycie, Lizbōna je fest gryfno, tōż dobrze je wejrzeć na nia tyż z inkszej zajty. Coby to zrobić, musicie ôbrać: szif, auto abo bus. Idzie tyż cugiym (ale ni mo to wiynkszego synsu), ale niy idzie piechty.

Almada, Portugalia, bele kaj, blog po śląsku

Ponte 25 de Abril

Most 25. Kwiytnia mo przeszło 2 kilometry na dugość i 2 poziōmy do rajzy – autostrada na wiyrchu i tory na dole – beztōż niy idzie se po nim poszpacyrować. Miano sie wziyno ôd daty Nelkowej Rewolucji (Revolução dos Cravos) z 1974r.

Almada, Portugalia, bele kaj, blog po śląsku

Cristo Rei

Coby stanōnć pod pōmnikiym Chrystusa Krōla (Cristo Rei), trza sie kōnsek przynś. Dobra, jak kukniecie na Google Maps to uwidzicie, że idzie tyż podjechać metrym. Ale jak pōdziecie piechty, to miniecie piykny park z mega landszaftym, klimatyczne chałpki z gryfnymi dźwiyrzami i fajne mikro-cyntrum tej wsi (w kerej je metro). Treficie tyż ôżartych kibicōw Bynfiki 😉

Almada, Portugalia, bele kaj, blog po śląsku

Okej, wlyźlimy. Włażymy do kościoła, kery je podstawōm rzeźby. Na lewo kasa – 7€ do automatu, ajntryt do ôkiynka. Jeszcze yno chwila w raji i aufcugiym na sōm wiyrch. 28-metrowy Jezus ze ślypiami na Lizbōna je zaro kole nos.

Almada, Portugalia, bele kaj, blog po śląsku

Co widzymy? Wiadōmo – most, miasto, rzyka. Ale sōm tyż dwie inksze tajle tego landszaftu, kere sie nōm ciepły w ôczy.

Almada, Portugalia, bele kaj, blog po śląsku

Almada, Portugalia, bele kaj, blog po śląsku

Piyrszo, to figura Maryi. Niy znōmy sie na kōnszcie, a ô gustach sie niy dysputyruje, ale… stawiōmy nojwiynkszo pizza tymu, kery nos przepre, że tymu rychtyk keryś umi przajać! No wejrzijcie sami…

Almada, Portugalia, bele kaj, blog po śląsku

Drugo rzecz – bioły celt na kraju klifu. Dwiesta ludzi na weselu. Naprowda, jak z bojki 😉

Almada, Portugalia, bele kaj, blog po śląsku

Fraj sobota abo nidziela to idealno przileżytość na wycieczka do Almady. Zapakujcie flaszka wody i szokulada do rukzaka, a 3€ (na szif tam a nazot) do kapsy. Tako cyna za miks Stanōw i Brazylii rychtych sie werci!

Almada, Portugalia, bele kaj, blog po śląsku

Inne interesujące teksty:

Ta strona używa ciasteczek oraz zewnętrznych skryptów dla lepszego dostosowania treści do użytkownika. W Polityce Prywatności znajdziesz informacje o tym, jakie ciasteczka i skrypty są używane, oraz jaki wpływ mają na twoją wizytę na stronie. W każdej chwili możesz zmienić swoje ustawienia. Nie wpłynie to na twoją wizytę na stronie. OK Polityka Prywatności

Instagram
Facebook