BMW Welt – epny szaufynster ze autami

przez bele kaj
BMW Welt, Monachium, Niemcy - bele kaj, blog podróżniczy po śląsku

Podle roztōmaitych zajtōw turystycznych, nojlepszōm atrakcyjōm we Mōnachium je BMW Welt. Kapka nos to udziwiło, tōż postanowilimy sie tamek wybrać, chocioż ku motoryzacyje ciōngnie nos choby Gorola na gruba, turystōw do Sosnowca wegetarianina ku roladōm. Wciepujymy dzisioj tako mini-galeryjo, jakby tak gynau kogo interesiły te wszyjskie auta i mopliki.

Atrakcyjo postawiōno ôstała niydaleko mōnachijskigo Olympiaparku we 2007 roku. Ferajna BMW mo tamek tyż swoja fabryka, muzeum i charakterystyczny, sztyrocylindrowy biurowiec. Ajntryt do tej srogij, trocha kosmicznej hali, kero je tak naprowda jednym epnym szaufynsterym, je fraj. Niy trza bulić za bilet, bo cołkie te stawiynie to jedna wielo i fest udano reklama firmy. BMW Welt budzi emocyje. Musielibyście wejrzeć na tych wszyjskich chopōw, na tyn szał we ôd nich ślypiach, coby to spokopić. Ani hyrski cajtōng ôd Hugh Hefnera niy napoli niykerych facetōw tak, jak robiōm to te piykne, akuratnie nasztelowane i wyglancowane “beemwyje”.

Dlo nos – takie se. Wożymy te miyjsce, bo rozumiymy, że dlo fanōw autōw to je richtich cosik piyknego. Fest przajymy tyż tymu cołkimu baukōnsztowi ôd BMW, bo je naprowda magiczny. Ale motoryzacyjo ôgōlnie, to dlo nos nuda. Bo tak po prowdzie to ani nos to ziymbi ani grzeje czym jadymy, bele je sie czym karnyć ze punktu A do punktu B.

(No chyba, że je to miyntowy Volkswagyn T2. Wtynczos to je już inkszo godka.)

 

Inne interesujące teksty:

Ta strona używa ciasteczek oraz zewnętrznych skryptów dla lepszego dostosowania treści do użytkownika. W Polityce Prywatności znajdziesz informacje o tym, jakie ciasteczka i skrypty są używane, oraz jaki wpływ mają na twoją wizytę na stronie. W każdej chwili możesz zmienić swoje ustawienia. Nie wpłynie to na twoją wizytę na stronie. OK Polityka Prywatności