Pyrsk! Ôd dzisioj okrōm bloga, Facebooka, Instagrama, Twittera, Google+ i Pinteresta treficie nos tyż na YouTube! 🙂
Ja – mōmy wciepany yno jedyn filmik i to fest ajnfachowy. Niy – niy wiymy, czy bydymy dalij wciepować widyja. Ale i tak sōm my radzi, bo zbiyralimy sie do tego już ôd fest downa. Wejrzijcie i dejcie znać jak sie Wōm podobo. Yno dejcie pozōr – to nima nojlepsze widyjo, na jakie trefiliście we internecy. Nima samek dobrego światła ani klangu. Nima żodnych efektōw, piyknie zrychtowanych scyn abo landszaftōw. Ale sōm my! Tacy na 100%. 😉
Znocie nos yno z tych wszyjskich bildōw, kere wciepujymy. Ale dzisioj chcymy sie Wōm przedstowić kapka akuratnij, gynau na tym filmie. 100% naszej grajfki do widyjo, 100% naszych talyntōw szauszpilerskich, 100% nos. Bodej z kożdej rajzy, na kerej cosik my nagrali, je tukej jakiś kōnsek. Jak sie Wōm podobo, to wiycie co umicie z tym zrobić. 🙂
Chowcie sie!
