Czejś! Zgodujymy, że chcesz z nami wyônaczyć cosik szumnego, ja?
Co my tukej robiymy? Szkryflōmy po ślōnsku. Przede wszyjskim ô rajzach, kapka ô jodle i szporcie. Ô lokalnych twōrcach i ô naszej godce. Cykōmy masa bildōw, dyskutujymy ze naszymi czytelnikami i wyciepujymy z łepōw szpetne sztereotypy, chocioż po leku przestowōmy już dufać, że ftoś sztyjc kojarzi Ślōnzoka yno ze zmazanym ôd wōnglo grubiorzym.
Ślōnsko godka – jynzyk, kerego tukej używōmy – niy ôgraniczo naszego działanio yno do terynu Ślōnska. Chytōmy fol internecowych ôdbiorcōw i rozciepujymy online masa informacyji ô ôdmiynności i wyjōntkowości naszego regiōnu. Ô naszych ślōnskich tradycyjach, kulturze i godce.
Aktywnie działōmy we mediach społecznościowych, kaj sztyjc angażujymy i kuplujymy ludzi, kerzi interesujōm sie tymatami, ô kerych piszymy.
Sōm my ôtwarci na roztōmaite formy spōlnej roboty. Wpisy i wyjazdy spōnsorowane, recynzyje, kōnkursy i akcyje prōmocyjne we social mediach to yno pora z nich. Mōmy łepy nafilowane idyjami i chutnie pogodōmy ô gryfnych propozycyjach. Jak stwierdzisz, że naszo aktywność pasuje do profilu Twojij firmy i że spōlne działanie umi dać ôbu zajtōm cosik dobrego, to czekōmy na Twoja wiadōmość.
Na życzynie wysyłōmy kōmpletne statystyki ôd Google, Facebooka i Instagrama. Barterowo robiymy yno przi wyjōntkowych przipodkach.
Wejrzij jeszcze yno na naszo ôferta: po ślōnsku abo po polsku
i gibko do nos napisz: kontakt@belekaj.eu!