Ślōnsko Rozprowka #3: Ksiōnżki

przez Mateusz Sebastian
Ślōnski Podcast - Odcinek 3: Ksiōnżki - Podcast po śląsku

Dziyń Godki Ślōnskij

Czejś, witejcie w tyn szpecjalny fajer! Dzisio przileleżytość do trefu je niy bele jako, bo mōmy Miyndzynarodowy Dziyń Godki Ôjczystej. Jo żech je Ślōnzok, beztōż do mie to je ajnfach Dziyń Godki Ślōnskij. Skirz tego, chciołbych sie Wōm dzisio poasić ksiōnżkami po ślōnsku, kere znodłech we szranku i przeczytać po jednej zajcie z kożdej z tych ksiōnżek, coby rekōmandować Wōm nojlepsze ślōnskie teksty. Mōmy tukej poezyjo po ślōnsku, rozprowki, ôpowiadania dlo bajtli, Nowy Testamynt i fest hyrskigo “Dracha”. Beztōż dlo kożdego cosik.


Pamiyntejcie, że tej rozprowki niy musicie czytać. Umicie se jōm puścić we aucie, jak polygujecie w betach abo jak ciśniecie na kole 🔥

PODCAST PO ŚLŌNSKU NA SPOTIFY 🎵

PODCAST PO ŚLŌNSKU NA YOUTUBE 🎵


Moje ôblubiōne ksiōnżki po ślōnsku

We podcaście i na widyjo czytōm po zajcie z roztōmaitych ślōnskich ksiōnżek, ale pedziołech se, że przeciepowanie cytatōw tukej niy ma doporzōndku. Beztōż podciepuja yno linki do gyszeftōw, kaj znojdziecie wszyjskie te dziyła po tōniu:

“Mały Princ” – “Mały Książę” po ślōnsku

Antoine de Saint-Exupery & Grzegorz Kulik

“Umrzik we szranku

Marcin Melōn

“Umrzik we szranku” a inksze przigody Komisorza Hanusika do kupiynio we ślōnskij ksiyngarni internecowej Silesia Progress 👉 KUKNIJ.

Inksze ksiōnżki Marcina Melōna

“Niedźwiodek Puch” – “Kubuś Puchatek” po ślōnsku

A. A. Milne & Grzegorz Kulik

“Nowy Testamynt” – “Nowy Testament” po ślōnsku

Przekłod: Gabriel Tobor

“Nowy Testamynt” znojdziesz na zajcie BibliaPoSlasku.pl – wejrzij a poczytej wiyncyj ô tym projekcie.

“Leanderka” – 5 rozprowek po naszymu

Rafał Szyma

“Silesia Noir” – czorny kryminał ô czornym Ślōnsku

Marcin Szewczyk

“Silesia Noir” do kupiynio we ślōnskij ksiyngarni internecowej Silesia Progress 👉 KUKNIJ.

“Wiersze i śpiywki Roberta Burnsa” – poezyjo po ślōnsku

Przekłod: Mirek Syniawa

“Drach” – edycyjo ślōnsko

Szczepōn Twardoch & Grzegorz Kulik

Tela dzisio ôdy mie. Fest Wōm rekōmanduja wszyjskie te ksiōnżki po ślōnsku. Kuknijcie, poczytejcie, ôdfrysznicie se kapka ślōnsko godka. Terozki co? Do ślōnskich ksiōnżek! Winszuja Wōm gryfnej niydzieli i udanego tydnia. Chowcie sie, do zaś!

Książki po śląsku - blog podróżniczy po śląsku - belekaj.eu

“Ślōnsko Rozprowka” i “Ślōnski Podcast” to sōm artikle a nagrania po ślōnsku, zrychtowane skuli ôdfryszniynio naszej godki. To je jedna z tajli rychtōnku do Nacyjowego Spisu Wszeôbecnego 2021. Wiyncyj detajli ô spisie znojdziecie na naszej zajcie spis2021.belekaj.eu a na zajcie slonzoki.pl, kaj robiymy społym ze 22 inkszymi ôrganizacyjami pod mianym Ślōnsko Sztama.


Mosz w zocy? Czekosz na nastympne tajle?
Szrajbnij kōmyntorz!

Inne interesujące teksty:

Ta strona używa ciasteczek oraz zewnętrznych skryptów dla lepszego dostosowania treści do użytkownika. W Polityce Prywatności znajdziesz informacje o tym, jakie ciasteczka i skrypty są używane, oraz jaki wpływ mają na twoją wizytę na stronie. W każdej chwili możesz zmienić swoje ustawienia. Nie wpłynie to na twoją wizytę na stronie. OK Polityka Prywatności

Instagram
Facebook