Lizbōna: Parque das Nações

przez bele kaj
Parque das Nações, Lizbona, Portugalia, bele kaj, blog po śląsku

Z czym sie nōm kojarzy Lizbōna i wszyjskie myjsze miasta naôkoło stolicy? Przede wszyjskim z ciasnymi drōgami, farebnymi azulejos i ôbdartymi chałpami. A i z krziwymi kamiynicami i spodniokami, kere sie suszōm nad łepōm! Ale w Lizbōnie je tyż jedna dziylnica, kero je cołkiym inkszo niż reszta miasta – Parque das Nações, Park Narodōw.

Bioło, snōżno, akuratnie zaprojektowano meter po metrze dziylnica. Tukej zamiast tramwaju jeździ linowo kolejka teleférico, a we plac spadzitych gōrek je molo proste jak stōł.

Parque das Nações, Lizbona, Portugalia, bele kaj, blog po śląsku Parque das Nações, Lizbona, Portugalia, bele kaj, blog po śląsku

Expo’98

Park Narodōw postawili szpecjalnie skuli Expo’98. Mioł być nowoczesny, geōmetrycznie idealny, z masōm placu z kożdej zajty. W kōntrze do tradycyjnego ôbrazu Lizbōny – rōmantycznego i niyrygularnego. Tak postawili ta “dziylnica prziszłości”.

Parque das Nações, Lizbona, Portugalia, bele kaj, blog po śląsku Parque das Nações, Lizbona, Portugalia, bele kaj, blog po śląsku

Atrakcyje

Na co trza tam wejrzeć? Co porobić? Godajōm, że byzuch w Oceanário de Lisboa (nojwiynkszym ocyanarium w Europie) to podstawa – niy wiymy, niy bylimy. Po USA mōmy doś takich wycieczek. Pasujōm nōm ône do familijōw z bajtlami, bo w tyn czos to mo syns – dziecka majōm szpas jak se pozaglōndajōm na medōzy, delfiny czy inksze rekiny. Tōż no… na to mōmy jeszcze czas… na te ôcyanaria… 😉

(Cyny internetowe (online mocie 10% rabatu): fest małe bajtle (0-3 lot) 0€; wiynksze bajtle (4-12) 9.9€; starziki (65+) 9.9€; reszta (13-64) 15.3€; familijo (2+2) 44€.)

Parque das Nações, Lizbona, Portugalia, bele kaj, blog po śląsku Parque das Nações, Lizbona, Portugalia, bele kaj, blog po śląsku

Dlo nos – tradycyjnie – gyszpant bōły te atrakcje do ôbejrzynio przi szpacyrze (czytej: za fraj). Tōż zaro po przijeździe – banhof Oriente. Nojwiynkszo stacja w Portugalii, na kerej idzie siednōnć i do cuga, i do metra, i do autobusōw (miyndzymiastowych i miyndzynarodowych). Godo sie, że to je tako architektōniczno perełka nowoczesnej Portugalii – ta epno bana z gryfnym dachym znojdziecie w kożdym rajzybuchu ô państwie Cristiano Ronaldo.

Parque das Nações, Lizbona, Portugalia, bele kaj, blog po śląsku Parque das Nações, Lizbona, Portugalia, bele kaj, blog po śląsku

Vasco da Gama

Za starego piyrwy Park Narodōw bōł hawynōm. Tera godo sie ô nim “teryn ô charakterze rekreacyjno-handlowo-miyszkalnym”. Nojlepij na tyn teryn idzie se pozaglōndać z prōmynady, z kolejkōm nad łepōm. Możecie łazić tam a nazot przi kraju i na pewno sie niy stracicie – wdycki bydzie na Wos czekała Wieża Vasco da Gamy i Myriad Hotel. Na wiyrch (145m) niy wleziecie, bo je sztyjc zawrzite dlo turystōw, ale ponoć „za niydugo” majōm ôtworzyć tamek platforma z panoramicznym landszaftym 360o.

Parque das Nações, Lizbona, Portugalia, bele kaj, blog po śląsku Parque das Nações, Lizbona, Portugalia, bele kaj, blog po śląsku

Widzieliście kedy most długi na przeszło 17km? Przi Parque das Nações czeko Ponte Vasco da Gama – nojdugszo tako budowla w Europie. Kupluje podlizbōńskie Sacavém z Montijo po drugij zajcie Tagu. 2.6€ za rajza.

Parque das Nações, Lizbona, Portugalia, bele kaj, blog po śląsku Parque das Nações, Lizbona, Portugalia, bele kaj, blog po śląsku

Co jeszcze znojdziecie na wschodzie Lizbōny? Mały szpilplac z instrumyntami muzycznymi, super dobre sushi (kuknijcie czy na grupōnie ni ma jakij prōmocji na all-you-can-eat) i galeryjo handlowo. Tōż rychtujcie szłapy i portōmele, bo jedna sobota w Parku Narodōw to minimum! 😉

Piōntka!

Parque das Nações, Lizbona, Portugalia, bele kaj, blog po śląsku

Inne interesujące teksty:

Ta strona używa ciasteczek oraz zewnętrznych skryptów dla lepszego dostosowania treści do użytkownika. W Polityce Prywatności znajdziesz informacje o tym, jakie ciasteczka i skrypty są używane, oraz jaki wpływ mają na twoją wizytę na stronie. W każdej chwili możesz zmienić swoje ustawienia. Nie wpłynie to na twoją wizytę na stronie. OK Polityka Prywatności

Instagram
Facebook