Haga i Delft

przez bele kaj
Haga, Delft, Holandia - bele kaj, blog podróżniczy po śląsku

Dziwujecie sie co to za ôbrozek, kery reklamuje posta, pra? Piszymy ‘Haga i Delft’, a tam plaża, hm? Keryś powiy, że tukej wiyniyn być bild miyjsca, kaj je trybunał abo parlamynt. Tōż zicnijcie i czytejcie dalij, bo ôd dzisioj bydziecie myśleli o Hadze już cołkiym inkszyj. A i poznocie gryfny Delft. Pōdźcie!

Haga, Delft, Holandia - bele kaj, blog podróżniczy po śląsku

Delft

Najprzōd miasto myjsze, te mynij znane. W Delft idzie sie poczuć jak w miyjscu, w kerym kożdy zno kożdego. Pora drōg, rynek, kanały i koła. Czym sie wyrōżnio przi reszcie holynderskich miast? Bioło-nibieskōm ceramikōm.

Haga, Delft, Holandia - bele kaj, blog podróżniczy po śląsku

Poru Holyndrōw padało nōm, że jak ruchtyk chcymy poznać ich kultura, futer i baukōnszt, to mōmy pitać daleko ôd Amsterdamu i ôbrać Delft abo Lyjda. Cosik rechtu na isto mieli.

Haga, Delft, Holandia - bele kaj, blog podróżniczy po śląsku Haga, Delft, Holandia - bele kaj, blog podróżniczy po śląsku

Okrōm sztandōw z klōmpami, kyjzōm i z tabulkami posztrajchowanymi na nibieski, sztyjc je pora fanych miyjsc do nawiedzynio. Piyrsze, na co wejrzicie, to rathaus. Niy wiymy za wiela o sztilach w stawianiu, ale tukej zaro widać, że to je co inkszego jak wszyjskie tego typu budowle, kere my widzieli.

Haga, Delft, Holandia - bele kaj, blog podróżniczy po śląsku

Muzea, kościoły… je tam co robić, ale padalibymy, że Delft to je taki idealny bajszpil “miasta do połażynia“. Pōłek dnia styknie, bai jak chcecie narobić fol aufnamōw.

Haga, Delft, Holandia - bele kaj, blog podróżniczy po śląsku

Jak tam zajechać? Nojlepij cugiym, tak jak my. Ze Rotterdamu – 15 minut, 3€.

Haga, Delft, Holandia - bele kaj, blog podróżniczy po śląsku

Haga

Chałpa holynderskigo parlamyntu i regiyrōnku fest nos zaskoczyła. Pryndzyj kojarzylimy te miasto yno z tym, że jak ludzie sie fest wadzōm, to “sprawa kierowana jest do Międzynarodowego Trybunału Sprawiedliwości w Hadze”.

Haga, Delft, Holandia - bele kaj, blog podróżniczy po śląsku Haga, Delft, Holandia - bele kaj, blog podróżniczy po śląsku

Richtich, idzie tamek pozwiydzać miyjsca, po kerych zaro widać, że niybłozyńskie rzeczy tam sie załatwio. Jak choby Pałac Pokoju (tam je tyn cały Trybunał) abo Binnenhof (tam siedzōm byjamtery).

Haga, Delft, Holandia - bele kaj, blog podróżniczy po śląsku Haga, Delft, Holandia - bele kaj, blog podróżniczy po śląsku

Rynek – het Plein – je fest elygancki. Na strzodku wyrzezany William zaglōndo na wszyjskich dookoła. A jak wszyjskich, to chyba tyż na holynderskigo prymiera, kery bezmaś jak mo pauza, to podłazi tam na krygel piwa! (:

Haga, Delft, Holandia - bele kaj, blog podróżniczy po śląsku Haga, Delft, Holandia - bele kaj, blog podróżniczy po śląsku

Za muzeami ani my niy zaglōndali (chocioż w Mauritshuis idzie znojś Dziołcha ze Perłōm), kościoły yno z dworu – Haga je już blank wiynkszo niż kameralny Delft, tōż trza szporować czos. Masa je tam kawiarni i kōnsztu spōłczesnego przi drōgach. O, a jak komu mało atrakcji, to może wlyź do Madurodam – miasta miniatur (nasz host nōm odradził).

Haga, Delft, Holandia - bele kaj, blog podróżniczy po śląsku Haga, Delft, Holandia - bele kaj, blog podróżniczy po śląsku

Couchsurfing we Hadze

Jak przōdzij we Rotterdamie i potym we cołkich Niderlandach (ôkrōm Amsterdamu) ni ma tamek żodnego problymu ze znolyziyniym gospodorza na nocka abo dwie. My trefili na super chopa, kery doł nōm ponynać, a zawczasu zawiōz nos do…

Haga, Delft, Holandia - bele kaj, blog podróżniczy po śląsku

Scheveningen

Piyrwej ôsobno hawyna, tera kōnsek Hagi. Mało kaj znojdziecie taki landszaft. Piykno plaża, a przi nij hotel. Aly niy bele jaki!

Haga, Delft, Holandia - bele kaj, blog podróżniczy po śląsku

Scheveningen to nojpopularniyjszy kurort we Holandiji. Latym cołkie familije ôblykajōm batki i cisnōm sie tam taplać. My sie yno przeszli na szpacyr po prōmynadzie pod wieczōr.

Haga, Delft, Holandia - bele kaj, blog podróżniczy po śląsku Haga, Delft, Holandia - bele kaj, blog podróżniczy po śląsku

Nōm sie tak podarziło, że bez stocia wele drōgi trefiło sie auto. Ale jak niy bydziecie mieli takij ôpcyji, to tyż sie nic nie dzieje – siodocie do tramwaju (nr 1 abo 9) abo autobusa (22).

Haga, Delft, Holandia - bele kaj, blog podróżniczy po śląsku Haga, Delft, Holandia - bele kaj, blog podróżniczy po śląsku

Pōłek zrobiōny!

Niy, niy ôtwarli my flaszki. Pōłek znaczy, że widzielimy już sztyry z ôźmiu miast zaplanowanych na nasz holynderski tydziyń. Co dalij? Lyjda! Niy znocie, pra? My tyż niy znali. 🙂

Haga, Delft, Holandia - bele kaj, blog podróżniczy po śląsku

Inne interesujące teksty:

Ta strona używa ciasteczek oraz zewnętrznych skryptów dla lepszego dostosowania treści do użytkownika. W Polityce Prywatności znajdziesz informacje o tym, jakie ciasteczka i skrypty są używane, oraz jaki wpływ mają na twoją wizytę na stronie. W każdej chwili możesz zmienić swoje ustawienia. Nie wpłynie to na twoją wizytę na stronie. OK Polityka Prywatności

Instagram
Facebook