Amsterdam: ôd A do L

przez bele kaj
Amsterdam, Holandia, bele kaj, blog po śląsku

Amsterdam – nojbardzij hyrskie miasto we Niderlandach. Dzisioj pokożymy Wōm tyn plac trocha inkszyj jak wdycki, bo bez… zolyty! Niy nasze, yno ogōlnie – pora doradōw jako karlus mo wszyjsko narychtować, coby dziołcha bōła rada i ôstoła ôd niego lipstōm. Zaro chycicie idyjo. I nauczycie sie masy nowych wortōw. (Bildy niy majōm wiela spōlnego z tekstym, tōż niy sznupejcie czasym za tymi nowymi wyrazami po ôbrozkach.)

Amsterdam, Holandia, bele kaj, blog po śląskuAmsterdam, Holandia, bele kaj, blog po śląsku

A

Zolyty w Amsterdamie to ni ma bele co. Absztyfikant ôblecze se ancug, coby niy wyglōndać jak jako afa. Może sie potym leko aufryjgować, bo wszyjscy tam majōm farebne koszulki, ale przeca dziołcha może prziś na abzacu! Tōż niy rōb synek gańby i weź se jeszcze do kapsy pora amolokōw.

Amsterdam, Holandia, bele kaj, blog po śląsku

B

Galoty z bizami, gynał z bigla i do tego binder. Dej pozōr na babrokōw przi beszōngu!

Amsterdam, Holandia, bele kaj, blog po śląsku
Amsterdam, Holandia, bele kaj, blog po śląsku

C

Jak sie już treficie, to wejrzij jaki mo cycynhalter! chyć sie roboty. Yno niy bier baby do coffeeshopu! Być chop i trzimej jōm daleko ôd cygaretōw. Idźcie dalij, mono przi drōdze kery Wōm zagro na cyji.

Amsterdam, Holandia, bele kaj, blog po śląsku

D

Downij szło dotachać deka nad kanał i tam se szło duldać wino. Tera dziołchy trza brać kajś indzij. Kaj?

Amsterdam, Holandia, bele kaj, blog po śląsku

E

Pytanie ‘kaj?’ to je tera esync kożdych zolyt. Kaj w Holandii zjeś epne golōno? Kaj za ekiym idzie se fajnie zicnyć? I nojgorsze… “kaj robisz?” – “je żech elwer“…

Amsterdam, Holandia, bele kaj, blog po śląsku

F

Pamiyntej – jak Ci sie trefi ôtwiyrać flaszka, to dej pozōr na frōp. I niy fandzol.

Amsterdam, Holandia, bele kaj, blog po śląsku Amsterdam, Holandia, bele kaj, blog po śląsku

G

Bez Amsterdam ni ma co gzuć. Tōż niy kōmbinuj z rajzōm na gypku (chocioż kołōw tam je w pierōny), yno zrōbcie se szpacyr. Gyszynk, jak na gyburstag, to tyż dobro idyja. Niy wiysz co kupić? Znojdź jakie gryfne glazyjki. Żodnej gorzoły!

Amsterdam, Holandia, bele kaj, blog po śląsku

H

Holandia – myślisz se – to alkohol sie mo loć? Niy bydź gupi. Je tam pora imprezowych szteli, ale przijyżdżajōm tyż cołkie familije, tōż trza sie sprawować. Hut na łepie i halba w rynce? A chcesz coby dostała hercklekotōw? Abo i zaro hercszlagu? Inno sprawa, że choby yno trocha sie napijesz, to bydzie Ci sie hepać abo i zaczniesz szukać haźla, coby heftować. Żodno Cie niy bydzie halała, a o hajtaniu to już w ogōle zapōmnij!

Amsterdam, Holandia, bele kaj, blog po śląsku

I

Z dziołchōm do izby pōdzie inkszy

Amsterdam, Holandia, bele kaj, blog po śląsku

J

Jak dziołcha skuli zimna zacznie jamraćjezderkusie! juzać żech se yno jakla wziyna!”, to jōm ôgrzyj, bo Ci tam zamarznie. I pochwol jōm za ta piykno ôblyczka!

Amsterdam, Holandia, bele kaj, blog po śląsku

K

Kabot symnij, tyż dej freli. Boroka w samej kiecce łazi na isto. Myślała, że w maju bydzie co cieplij, a tam +12oC i same mrokwie. A jak jij tyn kabot dowosz, to niy śmisz jij kilać! Chyba, że chcesz mieć krōmflek na kroku… Być fajny karlus!

Amsterdam, Holandia, bele kaj, blog po śląsku

L

Dobra, nazot, do kōnkretōw. Nimaś leber ani leluja, tōż mosz jakieś szanse. Pōmału kludź dziołszka drōgami Amsterdamu. Niy zahoczcie o jako linkera. Wejrzij na baba, mo fajny lajbik lipynsztift? Jak ja, to już je połek sukcesu.

Amsterdam, Holandia, bele kaj, blog po śląsku

Tajla drugo – Amsterdam: ôd M do Z

Amsterdam, Holandia, bele kaj, blog po śląsku

Inne interesujące teksty:

Ta strona używa ciasteczek oraz zewnętrznych skryptów dla lepszego dostosowania treści do użytkownika. W Polityce Prywatności znajdziesz informacje o tym, jakie ciasteczka i skrypty są używane, oraz jaki wpływ mają na twoją wizytę na stronie. W każdej chwili możesz zmienić swoje ustawienia. Nie wpłynie to na twoją wizytę na stronie. OK Polityka Prywatności