Porto – portugalsko bojka

przez bele kaj
Porto, Portugalia, bele kaj, blog po śląsku

Lizbōna je gryfno, ale Porto je jak z inkszego świata. Weekynd we mieście znanym przede wszyjskim skuli wina i klubu fusbalowego. Wycieczka tako, jak lubiymy – tōnio i krōtko, ale intynsywno. Sztartujymy!

Porto, Portugalia, bele kaj, blog po śląsku Porto, Portugalia, bele kaj, blog po śląskuPorto, Portugalia, bele kaj, blog po śląsku

Fliger z Lizbōny w jedna zajta: 7€/łep Ryanym, 55 minut w lufcie. Niy było sie ani nad czym zastanawiać. Autobus i cug kosztujōm kole 20€ i jadōm ôd 3 do 4 godzin.

Spanie – Airbnb: 12€/łep w prywatnej izbie, 15 minut ôd rzyki. Rezerwowane dziyń naprzōd.

Porto, Portugalia, bele kaj, blog po śląsku Porto, Portugalia, bele kaj, blog po śląsku

Most Ludwika I

Bezmaś jak landszaft z mostu abo gōrki je nojszwarniyjszōm atrakcjōm miasta, to je to jakiś problym. W tym przipadku nic z tych rzeczy – szpacyr po Ponte Dom Luís I i po jasnoku, i po cimoku, naprowda bije na łep muzea figur woskowych, rōmle i bai pora stadiōnōw (;

Porto, Portugalia, bele kaj, blog po śląsku Porto, Portugalia, bele kaj, blog po śląsku Porto, Portugalia, bele kaj, blog po śląsku

Zajta “za rzykōm”

Piykny kraj, lokalni sprzedowocze i fol winiarni. My poszli do Offley – 3.5€ za pōłgodzinne zwiydzanie z przewodnikiym i dwa keliszki Porto na skoszt pod kōniec. Werciło sie.

Porto, Portugalia, bele kaj, blog po śląskuPorto, Portugalia, bele kaj, blog po śląsku

Zygroda Palácio de Cristal

Gynał przi naszym “hotelu”, leko na gōrce, stoi Pałac Kryształowy. Nazwa wiynkszo niż same stawiynie, ale już zygroda za nim robi wrażynie. No, keby niy te mrokwie…

Porto, Portugalia, bele kaj, blog po śląsku

Igrejas z Azulejos

Czyli kościoły z tymi modrymi płytkami na ścianach. W środku już niy takie gryfne, tōż zaglōndanie bez włażynia styknie. Jedne z nojpiykniyjszych tego typu miyjsc, jakie my widzieli – wejrzijcie na Carmo i Santo Ildefonso!

Porto, Portugalia, bele kaj, blog po śląsku Porto, Portugalia, bele kaj, blog po śląsku Porto, Portugalia, bele kaj, blog po śląsku

Estádio do Dragão

Na stadiōn FC Porto poszoł już yno pōłek wycieczki 😉 I dobrze, bo dlo kogoś, kto ni ma wielim fanym fusbalu, Stadiōn Smoka je zwykłym boiskiym z trybunami. W porōwnaniu do Bernabeu wyglōndo fest słabo. Ale nadrobio cynowo [bōłech yno na rajzie dookoła za 8€, w muzeum klubowym już niy – Matis].

Porto, Portugalia, bele kaj, blog po śląsku Porto, Portugalia, bele kaj, blog po śląsku

Ksiyngarnia Lello i Leitaria da Quinta do Paço

Nojprzōd buchszranki, potym co słodkigo. Lello bōła bezma jednōm z głōwnych inspiracji J.K. Rowling, jak zicała w knajpach w Porto i szkryflała o synku z blyskawicōm na łepie. Zaś eklerki w LdQdP uznowane sōm za kultowe w mieście. Idzie tyż dostać na słono!

Porto, Portugalia, bele kaj, blog po śląsku Porto, Portugalia, bele kaj, blog po śląsku

“Miradurki”

Miradouro znaczy po portugalsku “punkt widokowy”. Nojbardzij my je docynili w Lizbōnie, tam skuli nich idzie ôbejrzeć całę miasto z roztomaitych zajtōw. W Porto wcale ni ma gorzyj.

Porto, Portugalia, bele kaj, blog po śląsku Porto, Portugalia, bele kaj, blog po śląsku Porto, Portugalia, bele kaj, blog po śląsku

Francesinha

Na starej wersji bloga szło już ô tym poczytać. Godajōm, że to je TOP10 klapsznit na świecie. Trzi rodzaje miynsa, chlyb tostowy, kyjza i zołza piwno. Kole 1300kcal w pora minut – bōmba! A i udało sie nōm znojś tako z frytkami za 4.5€ – sukces (;

Porto, Portugalia, bele kaj, blog po śląsku

Wieża Clérigos

75.6 metra, 225 schodōw. Wieża przi Igreja dos Clérigos to nastympny plac, z kerego idzie pozaglōndać na miasto z wiyrchu. Yno dużo przeciskania sie, a mało miyjsca. Wolymy miradurki.

Porto, Portugalia, bele kaj, blog po śląsku

Ribeira

Kraj rzyki z restauracjami poôtwiyranymi jedna na drugij. Nojlepsze wieczōr.

Porto, Portugalia, bele kaj, blog po śląsku Porto, Portugalia, bele kaj, blog po śląsku

Cało reszta

Porto wyglōndo jak takie zostawiōne miasto. Fol prōznych chałpōw i poniszczonych stawiyń. Ponoć to skuli prawa portugalskigo, ale za wiela to my ô tym niy wiymy. 🙁

Porto, Portugalia, bele kaj, blog po śląskuPorto, Portugalia, bele kaj, blog po śląsku

Jeszcze wiyncyj kościołōw, starziki na balkōnach. Do tego gryfno bana, torg i lody Santini. Do Porto naprowda trza pojechać!

Porto, Portugalia, bele kaj, blog po śląsku Porto, Portugalia, bele kaj, blog po śląsku Porto, Portugalia, bele kaj, blog po śląsku

Inne interesujące teksty:

Ta strona używa ciasteczek oraz zewnętrznych skryptów dla lepszego dostosowania treści do użytkownika. W Polityce Prywatności znajdziesz informacje o tym, jakie ciasteczka i skrypty są używane, oraz jaki wpływ mają na twoją wizytę na stronie. W każdej chwili możesz zmienić swoje ustawienia. Nie wpłynie to na twoją wizytę na stronie. OK Polityka Prywatności