Lizbōna: LxFactory

przez bele kaj
LxFactory, Lizbona, Portugalia, bele kaj, blog po śląsku

Co to je LxFactory? Czamu o tym szkryflōmy?

LxFactory, Lizbona, Portugalia, bele kaj, blog po śląskuLxFactory, Lizbona, Portugalia, bele kaj, blog po śląsku

Je rok 1846. Gynał postawili i ôtwarli, jak sie potym pokoże, nojważniyjszo w lizbōńskij historii sztela produkcyjno. W dziylnicy Alcântara, na placu wielim na 23k m2, stanyło cyntrum industryji – Companhia de Fiação e Tecidos Lisbonense.

LxFactory, Lizbona, Portugalia, bele kaj, blog po śląsku LxFactory, Lizbona, Portugalia, bele kaj, blog po śląsku

Bez 170 lot szwoczki w portugalskij stolicy niy musiały sie boć ô robota, bo do fabryk klamotōw brali kożdo baba, kero se radziła z myjtermasym w rynce. Tela, że po tych wszyjskich lotach miasto zawarło ôstatnio fabryka.

LxFactory, Lizbona, Portugalia, bele kaj, blog po śląsku LxFactory, Lizbona, Portugalia, bele kaj, blog po śląsku LxFactory, Lizbona, Portugalia, bele kaj, blog po śląsku

Je rok 2007. Kōnszt drōgi wyloł sie na postindustrialne mury. Legalnie, na ôczach klary, w samym strzodku dnia. Synek, kery fest downo niy widzioł sie z balbjyrzym, a na szłapach mo dziurawe galoty sfiniynte à la woda w pywnicy, szkryflo sagigo Adama z kōnskiym astki na cymboliku luliku kroku. Kole niego dwie dziołchy sprzedujōm mycki z napisym YOLO. Cyntrum lizbōńskigo hipsterstwa oficjalnie ruszyło.

LxFactory, Lizbona, Portugalia, bele kaj, blog po śląsku LxFactory, Lizbona, Portugalia, bele kaj, blog po śląsku

Galerie z bildami i biura projektowe. Eko-łachy, eko-zisty i eko-tyj. Graffiti, kosmiczne szranki, kolor, zabytkowe nyjmaszyny.

LxFactory, Lizbona, Portugalia, bele kaj, blog po śląsku LxFactory, Lizbona, Portugalia, bele kaj, blog po śląsku LxFactory, Lizbona, Portugalia, bele kaj, blog po śląsku

Je rok 2015. Para ślōnskich sztudyntōw kōmbinuje co w tym LxFactory idzie porobić. Po cimoku – wieczerzo w Kiss the Cook, za jasnoka – sznita i koło z BI+CA? Abo ryczka ôd Alm&Rich, a potym nowe, wegańskie (!?) szczewiki w nae? Kożdy znojdzie coś dlo sia. Je z czego ôbiyrać, bai jak kery je fest wymyślaty.

LxFactory, Lizbona, Portugalia, bele kaj, blog po śląsku LxFactory, Lizbona, Portugalia, bele kaj, blog po śląsku LxFactory, Lizbona, Portugalia, bele kaj, blog po śląsku

Perełka? Ler Devagar. Coś miyndzy akadymiōm Pōna Kleksa a Hogwartym Harrego Pottera. Bicherszranki dookoła, ale sztyjc masa placu. Ksiyngarnia jasno i snōżno – ściałoby sie tam miyszkać. Tak jak i w kożdym inkszym miyjscu w LxFactory. Mocie wiyncyj jak trzi dni w Lizbōnie – jedziecie tam!

LxFactory, Lizbona, Portugalia, bele kaj, blog po śląsku LxFactory, Lizbona, Portugalia, bele kaj, blog po śląsku

Inne interesujące teksty:

Ta strona używa ciasteczek oraz zewnętrznych skryptów dla lepszego dostosowania treści do użytkownika. W Polityce Prywatności znajdziesz informacje o tym, jakie ciasteczka i skrypty są używane, oraz jaki wpływ mają na twoją wizytę na stronie. W każdej chwili możesz zmienić swoje ustawienia. Nie wpłynie to na twoją wizytę na stronie. OK Polityka Prywatności