bele kaj Portugalijo Alfama – nojpiykniyjszo tajla Lizbōny

Alfama – nojpiykniyjszo tajla Lizbōny

06.09.2016
Alfama, Lizbona, Portugalia, bele kaj, blog po śląsku

Ciasne drōgi, ōmy wele dźwiyrzy, spodnioki na sznurze nad łepōm – kaj to? Na Alfamie – jednej z nojgryfniyjszych dziylnic Europy.

Alfama, Lizbona, Portugalia, bele kaj, blog po śląskuAlfama, Lizbona, Portugalia, bele kaj, blog po śląskuAlfama, Lizbona, Portugalia, bele kaj, blog po śląsku

Idzie zatrzimać sie w czasie, trza sie yno tam stracić. Z wiyrchu zaro wejrzy na Wos starka i samymi ślypiami sie spyto “co ôdy mie chcecie?!“. Kole nos bydzie stoło auto wyprodukowane w latach ’70 z fotelami jak z salōnu i amortyzatorami jak ze złōmu.

Alfama, Lizbona, Portugalia, bele kaj, blog po śląskuAlfama, Lizbona, Portugalia, bele kaj, blog po śląskuAlfama, Lizbona, Portugalia, bele kaj, blog po śląsku

Pamiōntki? Yno z Alfamy!

Je tyż masa nowoczesności – małe sklepiki z ryncznie rychtowanymi portōmelami i taszkami z korka. Koszulki z żōłtym tramwajym, fadistas ze łzami w ôczach abo kokotym. Znojdzicie tukej kożdo pamiōntka i je szansa, że kupicie jōm niy ôd hinduskigo Amira jak w kożdym inkszym miyjscu Lizbōny, a ôd Portugalki ô imiyniu Maria. Dejcie ojro wiyncyj, spōmōżcie lokalny handel ;)

Alfama, Lizbona, Portugalia, bele kaj, blog po śląskuAlfama, Lizbona, Portugalia, bele kaj, blog po śląsku

Dobre murale yno w poru miyjscach. Za to jak już sōm, to rychtyk mocne.

Alfama, Lizbona, Portugalia, bele kaj, blog po śląskuAlfama, Lizbona, Portugalia, bele kaj, blog po śląsku

Feira da Ladra

Jeszcze à propos handlu – je przi Alfamie coś takigo jak Torg Złodziei (Feira da Ladra). Miano sie wziyno z historii i jasne, że sprzedujōm tam tyż kradziōne wichajstry mōmy nadzieja, że yno skuli tego dalij sie tak na tyn torg godo. Kedyś plac z niylygalnymi interesami, dzisioj ôpcja full-legal jak trza Wōm starych nyjmaszyn, poklejōnych szczewikōw abo kōnskōw kafelek z chałp z cołkij Portugalii. Yno we wtorki i soboty.

Alfama, Lizbona, Portugalia, bele kaj, blog po śląskuAlfama, Lizbona, Portugalia, bele kaj, blog po śląsku

Nastympno rzecz po praniu, kero ujrzycie w bezma kożdym ôknie Alfamy to kwiotki. Po nich idzie sie kapnyć czy w danej chałpie dalij keryś miyszko.

Alfama, Lizbona, Portugalia, bele kaj, blog po śląskuAlfama, Lizbona, Portugalia, bele kaj, blog po śląsku

Dźwiyrze, kafelki, pōmniki i… tuk-tuki. Tymu wszyjskimu sie przijrzyjcie, bo idzie sie fol nauczyć i pozaglōndać na życie rychtycznych Portugalczykōw, a niy jakiś podrobianych ;) No a te małe autka to kole moplikōw nojwygodniyjszy strzodek transportu pod alfamowskie (?) gōrki.

Alfama, Lizbona, Portugalia, bele kaj, blog po śląskuAlfama, Lizbona, Portugalia, bele kaj, blog po śląskuAlfama, Lizbona, Portugalia, bele kaj, blog po śląsku

Castelo de São Jorge

Na kōniec – zōmek! Castelo de São Jorge ciepnie sie w ôczy bezma z kożdego punktu w portugalskij sotlicy. Tōż my go zostawili na ôstatki. Same stawiynie niy zrobiło na nos wiynkszego wrażynia, ale landszaft stamtōnd to je masakra. Beztōż na kōniec “kapka” wiyncyj bildōw z tej szteli ;)

Alfama, Lizbona, Portugalia, bele kaj, blog po śląskuAlfama, Lizbona, Portugalia, bele kaj, blog po śląskuAlfama, Lizbona, Portugalia, bele kaj, blog po śląskuAlfama, Lizbona, Portugalia, bele kaj, blog po śląskuAlfama, Lizbona, Portugalia, bele kaj, blog po śląskuAlfama, Lizbona, Portugalia, bele kaj, blog po śląskuAlfama, Lizbona, Portugalia, bele kaj, blog po śląsku

inksze udane teksty: