Leiden: holyndersko niyspodzianka

przez bele kaj
Leiden, Holandia - bele kaj, blog podróżniczy po śląsku

Znocie Lyjda? My niy znali, tak jak i pōłek turystōw-auslynderōw. Ale jak już spytocie sie jakigo Holyndra ô nojpiykniyjsze miasta we ôd nich landzie, to Lyjda bydzie we TOP5 na zicher.

Leiden, Holandia - bele kaj, blog podróżniczy po śląsku

Nojprzōd miano – bydymy pisać ześlōnszczone “Lyjda”, bo po Polsku sie godo “Lejda”, a po angielsku i we ôryginale je “Leiden”, okej? Dobre, to tera mogymy porozprowiać co to w ogōle je za sztela.

Leiden, Holandia - bele kaj, blog podróżniczy po śląsku

Lyjda sztudyncko

We Lyjdzie znojdziecie nojstarszy uniwersytet we Nederlandach. Mocka roztomaitych kerunkōw, ku tymu szumne miasto i modzi ludzie naokoło. A i fajrować je kaj, bo yno kōnsek dalij je Amstyrdam – nic yno ciś na Erazmusa. Bodej beztōż 20% ludzi, kerzy pomiyszkujōm na tej gryfnej ziymi to sztudynty. (;

Leiden, Holandia - bele kaj, blog podróżniczy po śląsku

Rembrandt

Tukej urodził sie Rymbrandt, znany na cołkim świecie malyrz. Niy wiymy czy lyjdowskie chałpy tyż sztrajchowoł, ale gynał tak wyglōndajōm – jak namalowane rynkōm majstra.

Leiden, Holandia - bele kaj, blog podróżniczy po śląsku

Po Lyjdzie yno piechty

Lyjda je tak malućko, że idzie nia ôbynś cołko piechty. Padōmy wiyncyj – je przi tymu na tela chyndogo, że szłoby tamek i sebuć charboły i tyrać po bosoku! Żol geldu na pożyczanie koła, forgot. Inkszo sprawa, że na kole sie niy podziwocie na wszyjsko jak trza, tak fundamyntnie.

Leiden, Holandia - bele kaj, blog podróżniczy po śląsku

W cugu być

Do Hagi w 10 minut, do Amsterdamu kole 35. Rajza do stolicy – tyj administracyjnej, z cołkim regiyrōnkiym – ōngyfer 5€. Do stolicy fajrowanio, szpasu, kurzynio i sagich babōw trza mieć naszykowane już dycht dwa razy tela.

Leiden, Holandia - bele kaj, blog podróżniczy po śląskuLeiden, Holandia - bele kaj, blog podróżniczy po śląsku

Atrakcyje Lyjdy

Sōm muzea, bezmaś jedne z nojlepszych w cołkij Holandii. Rijksmuseum van OudhedenRijksmuseum voor VolkenkundeNaturalis to takie trzi narōdowe, nojwożniyjsze (gryfne miana, pra?). My – muzeowe chamy – toć niy poszli. Ale znōmy cyny: 9.5€, 7.5€ i 11€. Jak sie kery z Wos wybiere – dejcie znać czy to je we wercie.

Leiden, Holandia - bele kaj, blog podróżniczy po śląsku

Zachodnio tōra Lyjdy, Kościōł św. Pyjtra i Burcht (fajny ajnzichc z wiyrchu) to takie pōnkty, kere dobrze znojś. Ale podstawōm całego byzuchu w Lyjdzie je łażynie tymi starymi drōgami przi samych kanałach. Ciepnijcie kajś tasze, weźcie yno fotografkastla i lyźcie kaj sie do i wiela sie do.

Leiden, Holandia - bele kaj, blog podróżniczy po śląsku

My jedna rzecz w tyj Lyjdzie zmaścili. Idzie po nij łazić z papiōrym w rynce. I to niy z bele jakim! A my tego papiōrka ni mieli. Na zajcie Muurgedichten je do ściōngniyncio rajzybuch, podle kerego idzie zwiydzać miasto i szukać gydichtōw na wandach. A je ich wiyncyj jak 80!

Leiden, Holandia - bele kaj, blog podróżniczy po śląsku

Futer i spanie

Przijechalimy po śniodaniu, przi łażyniu dojodalimy sznitami, a pod wieczōr z naszymi hostami poszlimy na… kapsalōn 🙂 Ni mōmy bildu, bo nōm było przi nich gańba cykać (i mielimy pierōōōński głōd), ale kapsalōn to taki nasz narodowy kebab, yno że ze frytkami we strzodku. Jedyn na dwōch to je doś.

Leiden, Holandia - bele kaj, blog podróżniczy po śląsku

Aaa host! Zaś mega szprymy! Mioł być jedyn, było sztyrech. Co jedyn to śmiysznijszy, bardzij wygodany i mōndry. Ale naprowda mōndry, a niy taki klugszajser. Zamiast jednej nocy, zostalimy na dwie. Wszyjscy razym, wele jednego tisza siedlimy do tego kapsalōna, a potym ôbziyralimy “Harry Potter i Klosztor Fyniksa“.

Leiden, Holandia - bele kaj, blog podróżniczy po śląskuLeiden, Holandia - bele kaj, blog podróżniczy po śląsku

Synki Chopy po 26-28 lot, ale bez cały film ciepali wicami i powtorzali za szauszpilerami: “pōdź sam Harry, pokoż mi ta twoja chłabinka” abo “bołech sie, profesor zawar dźwiyrza i zrobił mi coś ôkropicznego…”. 😀

Leiden, Holandia - bele kaj, blog podróżniczy po śląsku

Pyrsk, Lyjdo!

Ni ma co wiyncyj wynokwiać. Lyjda to ni ma miasto hyrskie skirz jednyj epnyj atrakcyji, ale fest werci sie tamek zajechać. Niy bydźcie gupieloki i niy zasmolcie tego! Choby yno po to, coby zoboczyć rychtyczne holynderskie miasto bez masy turystōw. No i Keukenhof po blisku, nasza nastympno sztacyjo. Jeszcze yno ta raja…

Leiden, Holandia - bele kaj, blog podróżniczy po śląsku

Inne interesujące teksty:

Ta strona używa ciasteczek oraz zewnętrznych skryptów dla lepszego dostosowania treści do użytkownika. W Polityce Prywatności znajdziesz informacje o tym, jakie ciasteczka i skrypty są używane, oraz jaki wpływ mają na twoją wizytę na stronie. W każdej chwili możesz zmienić swoje ustawienia. Nie wpłynie to na twoją wizytę na stronie. OK Polityka Prywatności