bele kaj rajzy fusbal: Estadio Santiago Bernabeu

fusbal: Estadio Santiago Bernabeu

21.08.2016
Estadio Santiago Bernabeu, Madryt, Hiszpania, bele kaj, blog po śląsku

Mocie czasym taki śniczek kajś ze zadku łepy? Ô kerym niy myślicie za wiela, ale jak je przileżytość, coby je spełnić, to sie trzynsiecie jak pies przi wōszcie? Takim moim śniczkiym bōł byzuch na Estadio Santiago Bernabeu – cyntrum Realu Madryt, nojwiynkszego klubu fusbalowego na świecie. Bylimy tam! :)

Estadio Santiago Bernabeu, Madryt, Hiszpania, bele kaj, blog po śląsku

Bernabeu Tour – kasa

Przijymność łażynio po Bernabeu to – jak sie już w Madrycie je – utrota 100zł. Myśla, że jak za spełniōny śniczek, to sie werci. Inkszo sprawa, że w takich mōmyntach sie niy szporuje. No i sama Julia pedziała żebymy poszli! :O

  • 3.2€ transport (tam i nazot metrym z cyntralnego przistanku Sol pod same dźwiyrze stadiōnu)
  • 19€ ajntryt (ni ma zniżek dlo sztudyntōw)

Estadio Santiago Bernabeu, Madryt, Hiszpania, bele kaj, blog po śląsku

Rajza po stadiōnie je bez ôprowadzocza. Turystōw we cołkij hiszpańskij stolicy za wiela niy było, tōż i na Bernabeu tyralimy bez presy. W rajach my niy stoli – ani po ajntryty, ani coby już wlyź do strzodka. Rundka po cyntrum Realu je policzono na 1.5h. Nōm zleciało kapka wiyncyj – jak wdyckiskuli bildōw. Tam trōwka, tukej tōra… Niy szło gibcyj skōńczyć.

Estadio Santiago Bernabeu, Madryt, Hiszpania, bele kaj, blog po śląsku

Bernabeu Tour – plan

We planie wycieczki je siedym wożnych przistōnkōw:

  • Stadiōn z wiyrchu – panorama ze nojepniyjszego punktu stadiōnu, leko idzie aparatym chycić cołkie trybuny.

Estadio Santiago Bernabeu, Madryt, Hiszpania, bele kaj, blog po śląsku

  • Izba “nojlepszego klubu świata” (take miano) – multimedialne prezyntacyje, filmiki i nojgryfniyjsze tōry bez pauzōw. Na drugij zajcie stare koszulki, bale i sztrzewiki ze handszriftami m.in. Raula, Di Stefano, Zidane’a.

Estadio Santiago Bernabeu, Madryt, Hiszpania, bele kaj, blog po śląsku

  • Historyjo nojnowszo – złote bale i sztrzewiki (nagrody dlo nojlepszego fusbalera i lojfra sezōnu w Europie) ôd Zizou i Owena, Raula i Figo, Ronaldo i Ronaldo plus mega prziszykowane kōmputerowo statystyki teroźnych szpilerōw – sprinty na mecz, udane fiksy, ôdebrania, asysty itd.

Estadio Santiago Bernabeu, Madryt, Hiszpania, bele kaj, blog po śląsku

  • Film zmōntowany z kōnskōw akcyji meczowych z godkōm szpilerōw – tyngi, sklejōny pod ymocje (szlagi serca we tle i epny triumf na kōńcu). Ku tymu Bynzyma, Pepe i Casillas ôdpowiadajōm na pytanie “Czym je dlo ciebie szpilanie w Realu Madryt?”.

Estadio Santiago Bernabeu, Madryt, Hiszpania, bele kaj, blog po śląsku

  • Trybuna VIP – dobro sztela do zaglōndanio, bo gynau na strzodku. Stołki ôbite skōrōm. Tela.

Estadio Santiago Bernabeu, Madryt, Hiszpania, bele kaj, blog po śląsku

  • Szatnie i tunel – szranki z nazwiskami poustawiane podle numerōw na koszulkach, a dalij drōga na szpilplac (goście i godpodorze ôddzielyni gitrōm).

Estadio Santiago Bernabeu, Madryt, Hiszpania, bele kaj, blog po śląsku

  • Banki dlo rezerwowych – niy dziwia sie ani trocha Jorgowi Dudkowi, że sie pisoł na zicanie tam bez pora lot. Na takich to i posiedzieć gryfnie.

Estadio Santiago Bernabeu, Madryt, Hiszpania, bele kaj, blog po śląsku

Po drōdze jeszcze dwa photo rooms – pozujesz ze ścianōm, a ôni doklejajōm Cristiano Ronaldo kole Ciebie i sprzedujōm za pora ojro. Słaby patynt z rōmli i inkszych parkōw rozrywki. Liczyłech, że w takim miyjscu niy bydōm sie wygupiać.

Estadio Santiago Bernabeu, Madryt, Hiszpania, bele kaj, blog po śląsku

Wiadōmo, nojlepij by było wejrzeć na mecz. Z Barcelonōm, Atletico abo Walyncjōm. Ale skuli Rayo, Getafe abo Las Palmas tyż byłbych rod. Ale meczu żodnego niy było. Na szczynście. Chyba musielibymy jeś suche żymły i popijać luftym bez nastympne dwa miesiōnce. A szkoda by było, bo już czekoł na nos dorsz, świńskie uszy, francesinha i szekulada z wiśniami w gorzole. Starczyło chycić auto i przejechać 630km.

Estadio Santiago Bernabeu, Madryt, Hiszpania, bele kaj, blog po śląskuEstadio Santiago Bernabeu, Madryt, Hiszpania, bele kaj, blog po śląsku

inksze udane teksty: