Kōniec świata.
Dugo tak ô Cabo da Roca myśleli ludzie z Europy. Potym zaczły sie rajzy szifami i ôbstoło na tym, że tyn punkt przi ôcyanie, kajś miyndzy Cascais a Sintrōm, je ajnfach nojbardzij na zachōd wyciepanym kōnskiym naszego kōntynyntu.
Ô tej szteli werci sie wiedzieć, że:
- wieje tamek jak pierōn,
- je tak gryfnie, że chocioż we internecy pisali, że starczy 45 minut, to my zostali na bezma trzi godziny,
- w jedna zajta z Cascais trza zabulić niycałe 4€, coby sie dostać do Cabo – to była jedna z naszych nojlepszych portugalskich inwestycyji (zaro kole Porto w Porto ;)),
- kraj Europy to je ajnfach klif wieli na 144 metry,
- żodyn tamek niy wachuje, a gelyndrōw je mało, tōż jak kery je ożarty (abo gupi), to lepij niech siedzi w chałpie
- do Ameryki bez Atlantyk je tamstōnd 5593 kilometrōw.
No i nojwożniyjsze: jak sie je we Portugaliji, to trza to zoboczyć. A jak sie niy ma, to chocioż wejrzeć na naszo galeryjo pod spodkiym. 🙂